കോടതി വാര്‍ത്തകള്‍

കൊച്ചി : ക്രിക്കറ്റ് താരം ശ്രീശാന്തിന് ബി.സി.സി.ഐ ഏർപ്പെടുത്തിയ ആജീവനാന്ത വിലക്ക് ഹൈക്കോടതി റദ്ദാക്കി. ശ്രീശാന്തിനെതിരെ മതിയായ തെളിവില്ലാതെയാണ് ബി.സി.സി.ഐ അച്ചടക്ക നടപടി സ്വീകരിച്ചതെന്നും സിംഗിൾബെഞ്ചിന്റെ വിധിയിൽ പറയുന്നു.  ഐ.പി.എൽ ആറാം സീസണിലെ വാതുവെപ്പ്  കേസിനെത്തുടർന്ന് 2013 ഒക്ടോബർ പത്തിനാണ് ബി.സി.സി.ഐ വിലക്ക് ഏർപ്പെടുത്തിയത്. ഇതിനെതിരെ ശ്രീശാന്ത് നൽകിയ ഹർജിയാണ് ഹൈക്കോടതി പരിഗണിച്ചത്. രാജസ്ഥാൻ റോയൽസിലെ താരമായിരുന്ന ശ്രീശാന്തിനെ പഞ്ചാബ് കിംഗ്സ് ഇലവനുമായി നടന്ന മത്സരത്തിൽ വാതുവെപ്പിനു വിധേയനായി കളിച്ചെന്ന് കണ്ടെത്തി 2013 മേയ് 16 ന് പൊലീസ് അറസ്റ്റ് ചെയ്തിരുന്നു. തുടർന്നാണ് ബി.സി.സി.ഐ അച്ചടക്ക നടപടിയെടുത്തത്. എന്നാൽ ഈ കേസിൽ പട്യാല അഡി. സെഷൻസ് കോടതി ശ്രീശാന്തിനെ കുറ്റ വിമുക്തനാക്കിയെങ്കിലും ബി.സി.സി.ഐ വിലക്ക് നീക്കിയില്ല. തുടർന്നാണ് ശ്രീശാന്ത് ഹൈക്കോടതിയെ സമീപിച്ചത്. ശ്രീശാന്തിനൊപ്പം അറസ്റ്റിലായ സുഹൃത്ത് ജിജു ജനാർദനനും വാതുവെപ്പുകാരനായ ചന്ദേഷ് ചന്ദുഭായ് പട്ടേലും തമ്മിലുള്ള ടെലിഫോൺ സംഭാഷണമാണ് കേസിലെ മുഖ്യ തെളിവായി ബി.സി.സി.ഐ ചൂണ്ടി കാട്ടുന്നത്. എന്നാൽ വാതുവെപ്പുമായി ...

കൊച്ചി : മുതിർന്ന ചലച്ചിത്ര നടിയെ 2011 ൽ തട്ടിക്കൊണ്ടുപോകാൻ ശ്രമിച്ച കേസിലെ രണ്ടു പ്രതികൾ നൽകിയ ജാമ്യാപേക്ഷ ഹൈക്കോടതി തള്ളി. കേസിലെ നാലാം പ്രതി കുന്നത്തുനാട്​ നോർത്ത്​ മഴുവന്നൂർ കൊമ്പനാൽ വീട്ടിൽ എബിൻ കുര്യാക്കോസ്​ (27),  അഞ്ചാം പ്രതി മഴുവന്നൂർ വാഴക്കുഴി തടത്തിൽ ബിബിൻ വി.പോൾ (27) എന്നിവരുടെ ജാമ്യാപേക്ഷയാണ് ഹൈക്കോടതി തള്ളിയത്.  ഒാർക്കുട്ട് ഒരു ഒാർമ്മക്കൂട്ട് എന്ന ചിത്രത്തിൽ അഭിനയിക്കാൻ തിരുവനന്തപുരത്ത് നിന്ന് എറണാകുളം സൗത്ത് റെയിൽവെ സ്റ്റേഷനിലെത്തിയ നടിയെ ഒരു ടെമ്പോ ട്രാവലറിൽ പൾസർ സുനിയടക്കമുള്ള പ്രതികൾ തട്ടിക്കൊണ്ടുപോകാൻ ശ്രമിച്ചെന്നാണ് കേസ്. സംഘത്തിന്റെ നീക്കത്തിൽ സംശയം തോന്നിയ നടി ചലച്ചിത്ര നിർമ്മാതാവുകൂടിയായ ഭർത്താവിനെ ഫോണിൽ വിളിച്ചതോടെയാണ് തട്ടിക്കൊണ്ടു പോകാനുള്ള നീക്കം പൊളിഞ്ഞത്. ഇവരെ കുമ്പളത്ത് ഒരു റിസോർട്ടിനു മുന്നിൽ ഇറക്കിവിട്ട് സംഘം കടന്നു കളഞ്ഞു. ഇക്കഴിഞ്ഞ ഫെബ്രുവരിയിൽ യുവനടിയെ ആക്രമിച്ച് അശ്ളീല ദൃശ്യങ്ങൾ പകർത്തിയ കേസിൽ പൾസർ സുനി അറസ്റ്റിലായതോടെയാണ് ഈ കേസും പുറത്തു വന്നത്. കേസിൽ രണ്ടു പ്രതികളും നൽകിയ ജാമ്യാപേക്ഷ എറണാകുളം അഡി. ചീഫ് ജുഡിഷ്യൽ മജിസ്ട്...

കൊച്ചി : മുൻമന്ത്രി കെ.എം.മാണിക്കെതിരായ ബാർ കോഴക്കേസിലെ തുടരന്വേഷണ പുരോഗതി റിപ്പോർട്ട് രണ്ടാഴ്ചയ്ക്കുള്ളിൽ സമർപ്പിക്കാൻ ഹൈക്കോടതി വിജിലൻസിനു നിർദേശം നൽകി. തുടരന്വേഷണം റദ്ദാക്കാൻ കെ.എം. മാണി നൽകിയ ഹർജിയിലാണ് സിംഗിൾബെഞ്ചിന്റ നിർദേശം. ബാർ ലൈസൻസ് പുതുക്കി നൽകാൻ ഹോട്ടലുടമകളിൽ നിന്ന് മാണി കൈക്കൂലി വാങ്ങിയെന്ന ബിജു രമേശിന്റെ പരാതിയെ തുടർന്ന് വിജിലൻസ് രജിസ്റ്റർ ചെയ്ത കേസിൽ രണ്ടാം വട്ട തുടരന്വേഷണമാണ് നടന്നു വരുന്നത്. ഇന്നലെ ഹർജി പരിഗണിച്ചപ്പോൾ അന്വേഷണം പുരോഗമിക്കുകയാണെന്ന് സർക്കാർ അഭിഭാഷകൻ ബോധിപ്പിച്ചു. ബിജു രമേശ് ഹാജരാക്കിയ ശബ്ദരേഖയുടെ വിവരങ്ങൾ ഉറപ്പാക്കാൻ വോയ്സ് ടെസ്റ്റ് നടത്തേണ്ടതുണ്ടെന്നും സർക്കാർ പറഞ്ഞു. ബാർ കോഴയുമായി ബന്ധപ്പെട്ട്  പണം കണ്ടെത്തിയോയെന്ന് കോടതി വാക്കാൽ ചോദിച്ചു. ഇല്ലെന്നായിരുന്നു സർക്കാരിന്റെ മറുപടി. തുടർന്നാണ് ഹൈക്കോടതി അന്വേഷണ പുരോഗതി റിപ്പോർട്ട് തേടിയത്.  കൊച്ചി : മുൻമന്ത്രി എ.കെ. ശശീന്ദ്രനെതിരായ ഫോൺകെണിക്കേസിൽ അന്വേഷണ കമ്മിഷനെ നിയോഗിച്ചതിനെതിരെ സ്വകാര്യ ചാനലുടമ സാജൻ വർഗീസ് നൽകിയ ഹർജി ഹൈക്കോടതി തള്ളി. കേ...

കൊച്ചി : കേരള അഡ്മിനിസ്ട്രേറ്റീവ് ട്രിബ്യൂണൽ അംഗമായി മുൻ ഡി.ജി.പി ടി.പി സെൻകുമാറിനെ നിയമിക്കണമെന്ന ആവശ്യം സംസ്ഥാന സർക്കാർ നൽകിയ ശുപാർശ കത്തിലില്ലെന്ന് കേന്ദ്ര സർക്കാർ ഹൈക്കോടതിയിൽ ബോധിപ്പിച്ചു. പുതിയ നിയമനം നടത്തണമെന്നാവശ്യപ്പെടുന്ന കത്താണ് സംസ്ഥാന സർക്കാർ നൽകിയതെന്നും കേന്ദ്ര സർക്കാരിന്റെ അഭിഭാഷകൻ ബോധിപ്പിച്ചു. തുടർന്ന് ഇക്കാര്യം രേഖാമൂലം അറിയിക്കാൻ ഹൈക്കോടതി കേന്ദ്ര സർക്കാരിന് നിർദേശം നൽകി.  പുതിയ നിയമനം നടത്താൻ ശുപാർശ ചെയ്തിട്ടില്ലെന്നും നിയമന കാര്യത്തിൽ അഭിപ്രായവും വിയോജിപ്പും അറിയിക്കാൻ സർക്കാരിന് അവകാശമുണ്ടെന്നും സംസ്ഥാന സർക്കാരിന്റെ അഭിഭാഷകൻ വ്യക്തമാക്കി. തുടർന്ന് ഹർജി പിന്നീടു പരിഗണിക്കാൻ മാറ്റി. ടി.പി. സെൻകുമാറിനെയും മുൻ അഡിഷണൽ ചീഫ് സെക്രട്ടറി വി. സോമസുന്ദരത്തെയും കേരള അഡ്മിനിസ്ട്രേറ്റീവ് ട്രിബ്യൂണൽ അംഗങ്ങളായി നിയമിക്കാൻ ഹൈക്കോടതി ചീഫ് ജസ്റ്റിസ് ഉൾപ്പെട്ട സമിതി നിർദേശിച്ചിട്ടും സർക്കാർ നടപടിയെടുക്കുന്നില്ലെന്ന് ആരോപിച്ച് സതീഷ് എന്നയാൾ നൽകിയ ഹർജിയാണ് ഹൈക്കോടതിയുടെ പരിഗണനയിലുള്ളത്. സെൻകുമാർ സർക്കാരിന് അനഭിമതനായതിനാൽ അദ്ദേഹത്തെ ഒഴിവാക്കാൻ സർക്കാർ ശ്രമിക്കുകയാണെന്നും ഹർജി...

കൊച്ചി : എം. വിൻസെന്റ് എം.എൽ.എയ്ക്കെതിരെ പരാതി നൽകുന്നതിൽ നിന്ന് വീട്ടമ്മയെ ഭീഷണിപ്പെടുത്തി പിന്തിരിപ്പിച്ചെന്ന ആരോപണം നേരിടുന്ന സഹോദരിയും ഭർത്താവും നൽകിയ മുൻകൂർ ജാമ്യാപേക്ഷ ഹൈക്കോടതി തീർപ്പാക്കി. കേസിൽ ഇരുവരെയും പ്രതി ചേർത്തിട്ടില്ലെന്ന് പ്രോസിക്യൂഷൻ അറിയിച്ച സാഹചര്യത്തിലാണ് ഹർജി തീർപ്പാക്കിയത്. ഇവരെ പ്രതികളാക്കുന്ന സാഹചര്യമുണ്ടായാൽ വീണ്ടും ഹൈക്കോടതിയെ സമീപിക്കാമെന്നും ഉത്തരവിൽ വ്യക്തമാക്കിയിട്ടുണ്ട്. പത്തു വർഷമായി വീട്ടമ്മ മാനസികരോഗത്തിനു മരുന്നു കഴിക്കുകയാണെന്നും തങ്ങളുടെ സഹോദരനാണ് ആരോപണത്തിനു പിന്നിലെന്നും സഹോദരി വെളിപ്പെടുത്തിയിരുന്നു. എന്നാൽ പരാതി നൽകുന്നതു തടഞ്ഞ് സഹോദരി ഭീഷണിപ്പെടുത്തിയതിനു പിന്നാലെയാണ് താൻ ആത്മഹത്യയ്ക്കു ശ്രമിച്ചതെന്ന് വീട്ടമ്മയും പറഞ്ഞിരുന്നു. ഇതിൽ കേസെടുത്ത് അന്വേഷിക്കാനിടയുണ്ടെന്നു ചൂണ്ടിക്കാട്ടിയാണ് സഹോദരിയും ഇവരുടെ ഭർത്താവും ഹൈക്കോടതിയെ സമീപിച്ചത്. 

കൊച്ചി : നടിയെ ആക്രമിച്ച കേസിൽ നടൻ ദിലീപിന്റെ ഡ്രൈവർ അപ്പുണ്ണിയുടെ മുൻകൂർ ജാമ്യാപേക്ഷ ഹൈക്കോടതി തള്ളി. മുൻകൂർ ജാമ്യം അനുവദിക്കുന്നത് അന്വേഷണത്തെ ബാധിക്കുമെന്നും അപ്പുണ്ണി അന്വേഷണ ഉദ്യോഗസ്ഥൻ മുമ്പാകെ കീഴടങ്ങി ചോദ്യം ചെയ്യലുമായി സഹകരിക്കണമെന്നും സിംഗിൾബെഞ്ച് നിർദേശിച്ചു. ഹർജി പരിഗണിച്ചപ്പോൾ അപ്പുണ്ണിയെ ഇതുവരെ കേസിൽ പ്രതിയാക്കിയിട്ടില്ലെന്നും നടി ആക്രമിക്കപ്പെട്ട സംഭവത്തിന്റെ ഗൂഢാലോചന തെളിയിക്കാൻ അപ്പുണ്ണിയെ വിശദമായി ചോദ്യം ചെയ്യേണ്ടതുണ്ടെന്നും പ്രോസിക്യൂഷൻ വ്യക്തമാക്കിയിരുന്നു. ഇതു കൂടി കണക്കിലെടുത്താണ് ഹൈക്കോടതി മുൻകൂർ ജാമ്യാപേക്ഷ തള്ളിയത്.  അറസ്റ്റിലായ ദിലീപിനെതിരെ പൊലീസിന് തെളിവൊന്നും കിട്ടിയില്ലെന്നും തന്നെയും നാദിർഷയെയും മാപ്പുസാക്ഷിയാക്കി ദിലീപിനെതിരെ തെളിവുണ്ടാക്കാനാണ് പൊലീസ് ശ്രമിക്കുന്നതെന്നും മുൻകൂർ ജാമ്യാപേക്ഷയിൽ അപ്പുണ്ണി ആരോപിച്ചിരുന്നു. പൊലീസ് പലതവണ ചോദ്യം ചെയ്തിരുന്നു. തന്നെ അറസ്റ്റ് ചെയ്ത് മൂന്നാംമുറ പ്രയോഗിക്കുമെന്ന് ആശങ്കയുണ്ടെന്നും ഹർജിയിൽ പറഞ്ഞിരുന്നു. ഹർജിയിലെ വാദത്തിനിടെ അഭിഭാഷകൻ ഇക്കാര്യം പറയുകയും ചെയ്തു. എന്നാൽ കേസിലെ മറ്റൊരു പ്രതി വിഷ്‌ണുവിനെ നേരിട്...

കൊച്ചി : കേരള അഡ്മിനിസ്ട്രേറ്റീവ് ട്രിബ്യൂണൽ അംഗങ്ങളായി മുൻ ഡി.ജി.പി ടി.പി സെൻകുമാർ, മുൻ അഡി. ചീഫ് സെക്രട്ടറി വി. സോമസുന്ദരം എന്നിവരെ നിയമിക്കുന്ന നടപടികളുമായി കേന്ദ്ര സർക്കാരിനു മുന്നോട്ടു പോകാമെന്ന് ഹൈക്കോടതി വ്യക്തമാക്കി. സംസ്ഥാന സർക്കാർ ഇതിനു നൽകിയ കത്തിൽ ശരിയായ ശുപാർശ നൽകിയിട്ടില്ലെന്ന് കേന്ദ്രസർക്കാർ വ്യക്തമാക്കിയിരുന്നു. എന്നാൽ ഈ കത്ത് ശുപാർശയായി പരിഗണിച്ച് മുന്നോട്ടു പോകാനും ഇരുവരുടെയും നിയമനം സംബന്ധിച്ച് ഇന്ത്യൻ ചീഫ് ജസ്റ്റിസുമായി കൂടിയാലോചന നടത്താനും ഡിവിഷൻ ബെഞ്ചിന്റെ ഉത്തരവിൽ പറയുന്നു.  ടി.പി. സെൻകുമാറിനെ ട്രിബ്യൂണൽ അംഗമായി നിയമിക്കുന്നതിനെ എതിർത്തു വന്ന സംസ്ഥാന സർക്കാരിന് ഹൈക്കോടതിയുടെ നിർദേശം കനത്ത തിരിച്ചടിയാണ്. കെ.എ.ടി അംഗങ്ങളായി സെൻകുമാറിനെയും സോമസുന്ദരത്തെയും നിയമിക്കാൻ ഹൈക്കോടതി ചീഫ് ജസ്റ്റിസ് ഉൾപ്പെട്ട സമിതി ശുപാർശ ചെയ്തിട്ടും സർക്കാർ തുടർ നടപടികൾ വൈകിപ്പിക്കുന്നുവെന്നാരോപിച്ച് സതീഷ് വസന്ത് നൽകിയ ഹർജിയാണ് ഹൈക്കോടതി പരിഗണിക്കുന്നത്. തിരഞ്ഞെടുപ്പു സമിതി തയ്യാറാക്കിയ പട്ടിക, ഇതിൽ സംസ്ഥാന സർക്കാരിനുള്ള വിയോജിപ്പ്, ഗവർണറുടെ കുറിപ്പ്, കേന്ദ്ര സർക്കാരിന്റെ ശുപാർശ ...

കൊച്ചി : കോടതിയുത്തരവിനെത്തുടർന്ന് അടച്ചു പൂട്ടിയ മൂന്നു സ്കൂളുകൾ സർക്കാർ ഏറ്റെടുത്തത് ഹൈക്കോടതി ശരിവച്ചു. കോഴിക്കോട് ജില്ലയിലെ  തിരുവണ്ണൂർ പാലാട്ടു നഗർ എ. യു. പി. സ്കൂൾ, മലപ്പുറം മാങ്ങാട്ട്മുറി എ.എം. എൽ.പി സ്കൂൾ,  തൃശൂർ കിരാലൂർ  പരശുരാമ സ്മാരക എൽ.പി സ്കൂൾ എന്നിവയേറ്റെടുത്ത നടപടിയാണ് ഡിവിഷൻബെഞ്ച് ശരിവച്ചത്.  നഷ്ടത്തിലായതിനെത്തുടർന്ന് സ്കൂളുകൾ പൂട്ടാനുള്ള മാനേജ്മെന്റുകളുടെ തീരുമാനം നേരത്തെ ഹൈക്കോടതിയും സുപ്രീം കോടതിയും ശരിവച്ചിരുന്നു. എന്നാൽ 2016 ജൂണിൽ ഇൗ സ്കൂളുകൾ ഏറ്റെടുത്തു നടത്താൻ സംസ്ഥാന സർക്കാർ തീരുമാനിച്ചു. ഇതിനെതിരെ മാനേജ്മെന്റുകൾ ഹൈക്കോടതിയെ സമീപിച്ചു. സ്കൂളുകൾ ഏറ്റെടുക്കാൻ സർക്കാരിനെ അനുവദിക്കരുത്, ഏറ്റെടുത്താൽ നിയമാനുസൃതമായ നഷ്ടപരിഹാരം ലഭ്യമാക്കണം എന്നിവയായിരുന്നു ആവശ്യങ്ങൾ. ഈ വാദങ്ങൾ സിംഗിൾ ബെഞ്ച് തള്ളി. തുടർന്ന് സ്കൂൾ മാനേജ്മെന്റുകൾ ഡിവിഷൻ ബെഞ്ചിൽ അപ്പീൽ നൽകി. വിദ്യാർത്ഥികളുടെ പഠിക്കാനുള്ള അവകാശത്തെ സംരക്ഷിക്കാൻ സർക്കാരിന് ബാദ്ധ്യത ഉണ്ടെന്നും കേരള വിദ്യാഭ്യാസ ചട്ടത്തിലെ വ്യവസ്ഥകൾ പ്രകാരം സ്കൂൾ ഏറ്റെടുക്കാൻ സർക്കാരിന് കഴിയുമെന്നും വിലയിരുത്തി അപ്പീൽ ഡി...

കൊച്ചി : ആക്രമണത്തിനിരയായ യുവനടിയുടെ പേര് വെളിപ്പെടുത്തതിന്റെ പേരിൽ തനിക്കെതിരെ രജിസ്റ്റർ ചെയ്ത കേസ് റദ്ദാക്കാൻ നടൻ അജു വർഗ്ഗീസ് നൽകിയ ഹർജിയിൽ ഹൈക്കോടതി സർക്കാരിന് നോട്ടീസ് നൽകാൻ നിർദേശിച്ചു.  ഫെബ്രുവരി 17 ന് നടി ആക്രമിക്കപ്പെട്ട സംഭവത്തെത്തുടർന്ന് നടൻ ദിലീപിനെതിരെ അന്വേഷണം തിരിഞ്ഞ ഘട്ടത്തിലാണ് അജു വർഗ്ഗീസ് തന്റെ ഫേസ് ബുക്ക് അക്കൗണ്ടിൽ നടിയുടെ പേരെടുത്തു പറഞ്ഞ് വിവാദ പോസ്റ്റിട്ടത്. നടിയ്ക്ക് പിന്തുണ അറിയിക്കുന്നതിനൊപ്പം സംഭവത്തിന്റെ സത്യാവസ്ഥ പുറത്തു വരണമെന്നും അജു വ്യക്തമാക്കിയിരുന്നു. ഇരയായ നടിയുടെ പേരു വെളിപ്പെടുത്തുന്നത് കുറ്റകരമാണെന്ന് അറിയാതെയാണ് ഇതു ചെയ്തതെന്നും തെറ്റാണ് ചെയ്തതെന്ന് വ്യക്തമായപ്പോപ്പ തന്നെ പോസ്റ്റ് പിൻവലിച്ചു മാപ്പു പറഞ്ഞു. ഇതിനിടെ കളമശേരി സ്വദേശി ഗിരീഷ് ബാബു സംഭവം ചൂണ്ടിക്കാട്ടി നൽകിയ പരാതിയിൽ കളമശേരി പൊലീസ് കേസെടുത്തു. ഇതിനെതിരെയാണ് അജു ഹൈക്കോടതിയെ സമീപിച്ചത്. ഹർജി ഇന്നലെ സിംഗിൾബെഞ്ച് പരിഗണിച്ചപ്പോൾ ഹർജിക്കാരന്റെ വാദത്തെ സർക്കാർ എതിർത്തു. കേവലം വ്യക്തിപരമായ പ്രശ്നമല്ലിതെന്നും കേസ് പിൻവലിക്കുന്നത് സമൂഹത്തിന് തെറ്റായ സന്ദേശം നൽകുമെന്നും സർക്കാർ അഭിഭാഷക...

കൊച്ചി : ലോക മീറ്റിൽ പി.യു ചിത്രയ്ക്ക് മത്സരിക്കാനാവാത്ത സാഹചര്യം നിലനിൽക്കുന്നതിനാൽ ചിത്രയെ പങ്കെടുപ്പിക്കണമെന്ന സിംഗിൾബെഞ്ചിന്റെ ഇടക്കാല ഉത്തരവ് ഫലപ്രദമല്ലെന്ന് വിലയിരുത്തി ഡിവിഷൻ ബെഞ്ച് നീക്കി. ഇടക്കാല ഉത്തരവിനെതിരെ ഇന്ത്യൻ അത്‌ലറ്റിക് ഫെഡറേഷൻ നൽകിയ അപ്പീലിലാണ് ചീഫ് ജസ്റ്റിസ് ഉൾപ്പെട്ട ഡിവിഷൻ ബെഞ്ചിന്റെ നടപടി.  ലോക ചാമ്പ്യൻഷിപ്പിൽ അവസരം നഷ്ടപ്പെട്ട അത്‌ലറ്റിന് സാമ്പത്തിക നഷ്ടപരിഹാരം നൽകിയാൽ പോര. ഇന്ത്യൻ അത്‌ലറ്റിക് ഫെഡറേഷനെ കേൾക്കാതെയാണ് സിംഗിൾ ബെഞ്ച് ഉത്തരവു നൽകിയതെന്ന വാദം ഡിവിഷൻ ബെഞ്ച് അംഗീകരിച്ചില്ല. ഇന്ത്യൻ അത്‌ലറ്റിക് ഫെഡറേഷന് നോട്ടീസ് നൽകിയിരുന്നു. അതേ സമയം അന്തിമ വിധിയ്ക്കു തുല്യമായ ഇടക്കാല വിധിയാണ് ഈ കേസിൽ സിംഗിൾബെഞ്ച് നൽകിയത് എന്ന അപ്പീലിലെ വാദത്തിൽ ചില കഴമ്പുണ്ട്. അടിയന്തര സാഹചര്യം കണക്കിലെടുത്താകാം സിംഗിൾബെഞ്ച് ഇത്തരമൊരു ഇടക്കാല ഉത്തരവു നൽകിയത്. അത്‌ലറ്റിക് വിദഗ്ദ്ധ സംഘത്തിന്റെ തീരുമാനമാണ് സിംഗിൾബെഞ്ച് നിരസിച്ചതെന്ന വാദവും ഡിവിഷൻ ബെഞ്ച് പരിഗണിച്ചു. വിവിധ ഇനങ്ങളുടെ സമയം താരതമ്യപ്പെടുത്താനാവില്ലെന്ന വാദവും ഡിവിഷൻ ബെഞ്ച് കണക്കിലെടുത്തു. ഫെഡറേഷന്റെ പ്രവർത്തനങ്ങളെ...

കൊച്ചി : പാലക്കാട്ടെ ടിസ്റ്റാ ഡിസ്ട്രിബ്യൂട്ടേഴ്സിന്റെ ഗോഡൗണിൽ നിന്ന് മിസോറം ലോട്ടറികൾ പിടിച്ചെടുത്ത സംഭവത്തിൽ അറസ്റ്റു ചെയ്യുമെന്ന് ആശങ്കയുണ്ടെന്ന് ചൂണ്ടിക്കാട്ടി കേരള ലോട്ടറിയുടെ അംഗീകൃത ഡീലറായ കോയമ്പത്തൂർ സ്വദേശി എസ്.എസ്. വിഷ്‌ണു ഹൈക്കോടതിയിൽ മുൻകൂർ ജാമ്യാപേക്ഷ നൽകി. ജൂലായ് 28 നാണ് പാലക്കാട് കസബ പൊലീസ് മിസോറം ലോട്ടറികൾ പി‌ടിച്ചെടുത്തത്. 29 ന് പാലക്കാട് ടൗൺ സൗത്ത് പൊലീസ് സ്റ്റേഷനിലെ അന്വേഷണ ഉദ്യോഗസ്ഥനടക്കം തന്റെ ഒാഫീസിൽ എത്തിയെന്നും തന്റെയും പിതാവിന്റെയും ജീവനക്കാരുടെയും വിവരങ്ങൾ ശേഖരിച്ചു പോയെന്നും വിഷ്ണുവിന്റെ ഹർജിയിൽ പറയുന്നു. ടിസ്റ്റ ഡിസ്ട്രിബ്യൂട്ടേഴ്സിൽ നിന്ന് മിസോറം ലോട്ടറി വാങ്ങുകയോ സ്റ്റോക്ക് ചെയ്യുകയോ വിൽക്കുകയോ ചെയ്തിട്ടില്ല. എങ്കിലും തന്നെ അറസ്റ്റ് ചെയ്യുമെന്ന അഭ്യൂഹം ശക്തമാണെന്നും ഇതിനാലാണ് മുൻകൂർ ജാമ്യാപേക്ഷ നൽകുന്നതെന്നും ഹർജിയിൽ പറയുന്നു. 

കൊച്ചി : മരിച്ചയാളെ തന്റെ സഹോദരി വിവാഹം കഴിച്ചെന്ന് വ്യാജരേഖയുണ്ടാക്കി സ്വത്തുക്കൾ തട്ടിയെടുത്തെന്ന കേസിൽ പ്രതികളായ പയ്യന്നൂർ ബാറിലെ അഭിഭാഷക കെ.വി. ഷൈലജ, ഭർത്താവ് പി. കൃഷ്‌ണകുമാർ എന്നിവർ നൽകിയ മുൻകൂർ ജാമ്യാപേക്ഷയിൽ ഹൈക്കോടതി സർക്കാരിന്റെ വിശദീകരണം തേടി. തിരുവനന്തപുരത്ത് താമസിച്ചിരുന്ന തളിപ്പറമ്പ് സ്വദേശി പി. ബാലകൃഷ്‌ണൻ നായരുടെ സ്വത്ത് അഡ്വ. ഷൈലജയും ഭർത്താവും ചേർന്ന് കൈക്കലാക്കിയെന്നാണ് കേസ്. അഡ്വ. ഷൈലജയുടെ സഹോദരി ജാനകി ബാലകൃഷ്‌ണനെ വിവാഹം കഴിച്ചതായി വ്യാജരേഖയുണ്ടാക്കിയാണ് ഇവർ തട്ടിപ്പു നടത്തിയത്. ഷൈലജയുടെയും കൃഷ്‌ണകുമാറിന്റെയും നേതൃത്വത്തിൽ രോഗിയായിരുന്ന ബാലകൃഷ്‌ണനെ തിരുവനന്തപുരത്തെ ആശുപത്രിയിൽ നിന്ന് ഡിസ്ചാർജ് വാങ്ങി പയ്യന്നൂരിലേക്ക് കൊണ്ടുപോകുന്ന വഴി കൊടുങ്ങല്ലൂരിൽ വച്ച് ബാലകൃഷ്‌ണൻ മരണമടഞ്ഞു. ഈ മരണത്തിൽ അസ്വാഭാവികതയുണ്ടെന്ന് വിലയിരുത്തി പൊലീസ് പ്രതികൾക്കെതിരെ കൊലക്കുറ്റം കൂടി ചുമത്തിയിട്ടുണ്ട്. എന്നാൽ തങ്ങൾക്കെതിരെ ഉന്നയിക്കുന്ന ആരോപണങ്ങൾ വെറും ഭാവന മാത്രമാണെന്നും രോഗിയായ ബാലകൃഷ്‌ണനെ നാട്ടിലേക്ക് കൊണ്ടുപോകുമ്പോൾ ആംബുലൻസിൽ വച്ച് മരിച്ചതിന് കൊലക്കുറ്റം ചുമത്തിയത് നീതീകരിക്കാനാവി...

കൊച്ചി : കോഴിക്കോട് കനോലി കനാലിന്റെ പഴയ പ്രതാപം വീണ്ടെടുക്കണമെന്നും കനാലിൽ കൂടുതൽ ചെളി അടിയുന്നതും കനാൽ ഭൂമി കൈയേറുന്നതും സർക്കാർ തടയണമെന്നും ഹൈക്കോടതി നിർദേശിച്ചു.  കനോലി കനാലിന്റെ സംരക്ഷണം ആവശ്യപ്പെട്ട് കോഴിക്കോട് കാരാപ്പറമ്പ് സ്വദേശിനി ജന്നത്ത് നിസ ഉൾപ്പെടെ 11 പേർ നൽകിയ പൊതുതാല്പര്യ ഹർജിയാണ് ഡിവിഷൻ ബെഞ്ച് പരിഗണിച്ചത്. 1848 ൽ മലബാറിലെ ബ്രിട്ടീഷ് കളക്ടറായിരുന്ന ഹെൻറി വാലന്റൈൻ കനോലിയാണ് ഈ കനാൽ ചരക്കു നീക്കത്തിനും ഉൾനാടൻ ജലഗതാഗതത്തിനുമായി തുറന്നു കൊടുത്തത്. എന്നാൽ ട്രെയിനുകളുടെ വരവോടെ കനാലിന്റെ ഉപയോഗം പരിമിതമായി. ചെളിയും മാലിന്യങ്ങളും അടിഞ്ഞ് കനാൽ നികന്ന നിലയിലായെന്നും ഇറിഗേഷൻ വകുപ്പ് എക്സിക്യൂട്ടീവ് എൻജിനീയർ സത്യവാങ്മൂലത്തിൽ വ്യക്തമാക്കിയിരുന്നു. കൊല്ലം - കൊടുങ്ങല്ലൂർ ദേശീയ ജലപാത കനോലി കനാലിന്റെ തുടക്കഭാഗമായ മൂരിയാട് വരെ നീട്ടിയിട്ടുണ്ട്. മാത്രമല്ല, മൂരിയാട് മുതൽ നീലേശ്വരം വരെ സംസ്ഥാന ജലപാത ഒരുക്കാനും പദ്ധതിയുണ്ട്. ടൂറിസം, ചരക്കു ഗതാഗതം എന്നിവ ലക്ഷ്യമാക്കിയാണ് ഈ പദ്ധതി. കനോലി കനാലിന്റെ കോഴിക്കോട് നഗരസഭയുടെ പരിധിയിലുള്ള ഭാഗം മാലിന്യങ്ങൾ തള്ളാനുള്ള മേഖലയായി മാറിക്കഴിഞ്ഞു. ഇത...

കൊച്ചി : കളമശേരി ഗവ. മെഡിക്കൽ കോളേജിലെ എം.ബി.ബി.എസ് വിദ്യാർത്ഥിനിയായിരുന്ന ഷംന തസ്‌നീം ചികിത്സാപ്പിഴവിനെ തുടർന്ന് കൊല്ലപ്പെട്ട സംഭവത്തിൽ ഡോ. ജിൽസ് ജോർജിനെതിരെ നടന്നു വരുന്ന ക്രൈംബ്രാഞ്ച് അന്വേഷണം ഹൈക്കോടതി ഒരുമാസത്തേക്ക് സ്റ്റേ ചെയ്തു.  സംഭവത്തെക്കുറിച്ച് അന്വേഷിച്ച് സംസ്ഥാന തല അപെക്സ് ബോഡി തയ്യാറാക്കിയ റിപ്പോർട്ടിൽ ഷംനയ്ക്ക് ചികിത്സ നൽകിയതിൽ വീഴ്ച സംഭവിച്ചിട്ടുണ്ടെന്ന് പറയുന്നു. എന്നാൽ ഇതു ശരിയല്ലെന്നും തെറ്റായ റിപ്പോർട്ടിന്മേൽ ക്രൈംബ്രാഞ്ച് അന്വേഷണം  നടത്തുന്നത് നിയമത്തിന്റെ ദുരുപയോഗമാണെന്നും ചൂണ്ടിക്കാട്ടി ഡോ. ജിൽസ് ജോർജ് നൽകിയ ഹർജിയിലാണ് ഹൈക്കോടതി സ്റ്റേ അനുവദിച്ചത്. 2016 ജൂലായ് 18 നാണ് ഷംന തസ്നിം കൊല്ലപ്പെട്ടത്. കളമശേരി ഗവ. മെഡിക്കൽ കോളേജിലെ ജനറൽ മെഡിസിൻ വിഭാഗം തലവനും പ്രൊഫസറുമായ ഡോ. ജിൽസ് ജോർജിനെ സംഭവവുമായി ബന്ധപ്പെട്ട് സസ്പെൻഡ് ചെയ്തു. ഇതിനെതിരെ ഡോക്ടർ നൽകിയ പരാതി കേരള അഡ്മിനിസ്ട്രേറ്റീവ് ട്രിബ്യൂണലിന്റെ പരിഗണനയിലാണ്. ഇതു നിലനിൽക്കെയാണ് ചികിത്സാപ്പിഴവ് ആരോപിച്ച് കളമശേരി പൊലീസ് കേസെടുത്തത്. ഷംനയുടെ മരണം സംഭവിച്ച് അടുത്ത ദിവസം തന്നെ ആർ.എം.ഒ യടക്കമുള്ള മൂന്നംഗ സമി...